Siglir tar il cuntegn
Inhalt

Exteriur Giurists protesteschan cunter Kavanaugh

La polizia federala americana FBI ha terminà las investigaziuns cunter Brett Kavanaugh. Cunter il candidat per la pli auta dretgira dal pajais datti renfatschas davart mulestas sexualas. Medias americanas rapportan uss ch'il FBI haja surdà ses rapport a la Chas’alva.

purtret da Brett Kavanaugh
Legenda: Brett Kavanaugh, el frunta sin gronda opposiziun. Keystone

Il senat ha sco i para gia invista en il rapport dal FBI.

Entant appelleschan plirs tschient professers da giurisprudenza al senat da betg confermar Brett Kavanaugh, sco nov derschader. En ina brev publitgada en la gasetta New York Times scriva ils scienziads da dretg, che Kavanaugh na possedia betg l'objectivitad e neutralitad necessaria per seser en la pli auta dretgira dal pajais. Quai saja sa cumprovà durant l'audiziun avant la giunta dal senat. La brev è gia suttascritta da 650 professers.

RR novitads 11:00