Siglir tar il cuntegn

Exteriur Glisch a la fin dal tunnel

Ils represchentants dals stadis che s'inscuntran quest venderdi a Vienna han grondas spetgas dals discurs davart la crisa en Siria. L'incumbensader spezial da l'ONU, Staffan de Mistura, discurra d'ina glisch a la fin dal tunnel.

Tenor Staffan de Mistura possia l'inscunter purtar glisch a la fin dal tunnel.
Legenda: Tenor Staffan de Mistura possia l'inscunter purtar glisch a la fin dal tunnel. Keystone

Plirs stadis hajan encletg ch'i na possia betg dar ina schliaziun militara, ha Mistura ditg a l'agentura da novitads austriaca APA. Il pli impurtant saja che quels discurs hajan lieu e che tut ils stadis ch'hajan influenza sin il conflict actual en Siria prendian part. L'inscunter duaja dar als Sirians ina perspectiva.

Er il minister da l'exteriur, Tudestg Frank-Walter Steinmeier ha discurrì d'in segn da speranza per la Siria. I giaja per far in emprim pass en direcziun d'ina schliaziun politica.

RR novitads 07:00/11:00