Glisch verda per discurs

La SPD ha decidì la gievgia al di da partida a Berlin da sa participar a discurs cun la CDU per furmar ina nova regenza en Germania.

Martin Schulz ed Andrea Nahles al di da partida a Berlin. Bild in Lightbox öffnen.

Legenda da maletgs: Martin Schulz ed Andrea Nahles al di da partida a Berlin. Keystone

En la Germania ha il schef da partida da la SPD, Martin Schulz, survegnì glisch verda per discurs cun la CDU per furmar ina regenza. Il di da partida da la SPD a Berlin ha acceptà ina proposta da la secziun da Nordrhein-Westfalen. La suprastanza da la partida duai far discurs senza nagins automatissems u prefixaziuns. In eventual contract da coaliziun vegniss suttamess als 440'000 commembers da la SPD ad ina votaziun per brev.

Plinavant ha la SPD reelegì a Martin Schulz sco schef da la partida. Schulz ch'ha 61 onns ha survegnì a Berlin 81,9% da las vuschs dals delegads.

RR novitads 20:00