Golf da la Persia - L'Iran ha danovamain franà bastiment
Las gardas da revoluziun iranaisas tegnan danovamain a ferm ina nav d'ieli da l'exteriur en il Golf da la Persia. Il bastiment duai avair transportà illegalmain carburant en plirs stadis arabics, rapporta la televisiun statala da l'Iran. Set persunas sajan vegnidas arrestadas.
Da tge pajais ch'il bastiment deriva n'è anc betg cler.
Gia il fanadur aveva l'Iran franà dus bastiments sut la bandiera da la Gronda Britannia ed il Panama datiers da la via da Hormus. Quests incidents han provocà tensiuns massivas en la regiun ch'è centrala per il commerzi cun ieli sin l'entir mund.