Legenda:
Malgrà la concurrenza da reclama tras Facebook ha Google pudì augmentar la svieuta en quest sectur.
Keystone
cuntegn
Exteriur - Google fa dapli gudogn
Il concern d'internet Google ha fatg fitg bunas fatschentas il davos quartal. Da l'avrigl fin il zercladur è il gudogn s'augmentà en cumparegliaziun cun l'onn passà per 17 % sin bunamain 4 milliardas dollars, ha communitgà Google.
L’aczia da Google ha uschè ina pli gronda valita, numnadamain 6,99 dollars dapli. En ils 3 mais da l'avrigl fin il zercladur ha il concern american era fatg 11% dapli svieuta che l'onn passà.
In ferm svilup han surtut fatg las fatschentas cun reclama sin apparats mobils sco smartphones e tablets, ed era la plattafurma da video da Google Youtube.
