Google restructurescha l'interpresa

Il concern american Google survegn ina nova structura d'interpresa. Sco holding vegnia fundà ina nova societad cun il num «Alphabet», communitgescha il schef dal concern d'internet, Larry Page.

Il logo da Google. Bild in Lightbox öffnen.

Legenda da maletgs: Tar «Alphabet» s'audan vinavant il servetsch da tschertga Google Inc e la plattfurma da video YouTube. Keystone

«Alphabet» daventia uschia ina collecziun d'interpresas, da las qualas Google saja la pli gronda.

La nova societad vegnia plinavant a remplazzar Google sco societad quotada a la bursa. Las aczias da Google vegnian midadas en aczias dad «Alphabet», uschia Page.

El sez vegnia a manar la nov’interpresa sco CEO e Sergey Brin – il cofundatur da Google – daventia il president.

RR novitads 06:00