A la 63avla surdada dals Grammy Awards a Los Angeles han las chantaduras Beyoncé e Taylor Swift cuntanschì marcas istoricas. Beyoncé è vegnida onurada cun ses 28avel Grammy per «Black Parade» en la categoria meglra perfurmanza R&B. Uschia è la chantadura americana la dunna cun ils pli blers Grammys. Ad ella mancan anc 3 per cuntanscher il record da 31 Grammy dal dirigent ungarais-britannic Georg Solti ch'è mort il 1997.
Er gronda onur datti per la chantadura da pop Taylor Swift. Sco emprima dunna insumma gudogna ella per la terza giada en seria il Grammy per il meglier album da l'onn. Quest onn per l'album «Folklore».
Legenda:
Taylor Swift vegn onurada per la 3. giada cun l'album da l'onn.
Keystone
Da radio SRF:
