Siglir tar il cuntegn
cuntegn

Exteriur Graz - citad paralisada suenter amoc

Fluras e chandailas per lung il center da la citad austriaca Graz. Suenter la charrada d'amoc cun 3 morts e 34 blessads è la citad sco paralisada. La sonda saira èn pliras tschient persunas sa radunadas en la baselgia parochiala.

chandailas
Legenda: Suenter l'amoc da Graz mussan las bleras chandailas la condolaziun da la populaziun. Keystone

Il motiv da l'um da 26 onns per l'amoc n'è anc betg cler. L'automobilist na saja betg abel da vegnir interrogà. Sin fundament da ses stadi psichic n'hajan els anc betg pudì discurrer cun el, ha communitgà la polizia. L'um saja maridà ed haja 2 uffants. La fin da matg saja el vegnì tramess davent da la famiglia pervi da violenza a chasa.

La sonda passada era l'um charrà cun ses auto tras il center da Graz ed aveva blessà cun intenziun persunas. Intgins blessads èn anc adina en privel da vita.

Entant ha la citad tschentà in cudesch da condolenza. La dumengia da mezdi hai gia dà passa 2'500 inscripziuns.

RR novitads 15:00