Sin in passadi da viafier è in tren regiunal collidà cun in camiun che transportava sin in char annex in camiun militar da l'armada americana. Il camiun era restà fitgà sin il passadi.
2 morts e 4 grev blessads
Tant il locomotivist sco era il manischunz dal camiun èn morts. Cun grevas blessuras hajan ins transportà 4 passagiers dal tren en l'ospital, communitgescha la polizia tudestga. Dentant na sajan els betg en privel da vita. Plinavant hai dà numerus lev blessads. Ils ulteriurs 40 passagiers èn mitschads cun la tema. Il tren regiunal charrava da Nürnberg a Weiden.
Cabinas dal tren e camiun èn brischadas or
La part davant dal tren è vegnida demolida tras la collisiun. Omadus vehichels han piglià fieu. Tant la cabina dal locomotivist sco er quella dal manischunz eran brischadas or. Fin uss n’èsi betg cler, quant spert ch’il tren charrava. Teoreticamain èn lubids fin a 140 km/h sin il tschancun.