Siglir tar il cuntegn

Header

Davostiers dus trens e davanttiers numerusas persunas ch'eran probabel en il tren.
Legenda: Almain 75 persunas èn mortas causa l'accident da tren. Keystone
cuntegn

Exteriur Grev accident da tren en il Camerun

Almain 75 persunas sajan mortas e radund 600 blessadas, rapporta l'emettur da radio France Internationale.

I saja dentant grev da dir quantas unfrendas ch'i haja dà perquai ch'i vegnia anc adina salvà baras or dal tren, ha ditg in reporter ch'era al lieu d'accident. Tenor rapports saja l'accident capità pervia da las rodaglias marodas. Plirs vaguns dal tren èn curdads d'ina spunda giu. Il tren cun probabel passa milli passagiers era da viadi da la chapitala da Jaunde a Duala.

Il president Paul Biya ha annunzià via Facebook da laschar intercurrir rigurusamain il motiv da l'accident. El ha condolà als pertutgads ed empermess sustegn als survivents.

RR novitads 18:00

Dapli da Exteriuravrir la Landingpage

Nach links scrollen Nach rechts scrollen