Siglir tar il cuntegn

Header

Navigaziun

Inundaziuns, chasas e rulottas che nodan en l'aua.
Legenda: Plirs stadis federativs en il Midwest dals Stadis Unids han da batter cun grevas inundaziuns. Keystone
cuntegn

Exteriur Grevas inundaziuns en il Midwest dals Stadis Unids

Plirs stadis federativs en il Midwest dals Stadis Unids han da batter cun grevas inundaziuns. Millis da persunas èn vegnidas evacuadas per motivs da segirezza. Trais sajan mortas en las undas. En pliras regiuns vala il stadi d’urgenza.

Grondas parts da Nebraska, sco era parts dad Iowa, Wisconsin e South Dakota èn actualmain pertutgadas da grevas inundaziuns. Quai rapporta il servetsch meteorologic che discurra dad «auas istoricas». Sco medias rapportan, sajan fin uss trais persunas mortas en las undas en la Nebraska ed en Iowa. Tschients da chasas e butias sajan vegnidas donnegiadas. Il vicepresident american, Mike Pence, vul visitar las regiuns da crisa.

Tenor prognosas actualas na tschessan las auas dal pli lung flum da l’America dal Nord, il Missouri River er betg ils proxims dis. En intgins lieus pudess el cuntanscher oz in nivel da record. Ulteriurs stadis pudessan esser pertutgads. La raschun per las inundaziuns èn che la naiv lieua e daratgas.

RR novitads 06:00