Siglir tar il cuntegn

Exteriur Grevas malauras en la Germania

Suenter bleras uras plievgia èn dutgs sa transfurmads èn flums violents, autos vegnan tschiffads sco termagls. La consequenza: devastaziun, morts e blessads. La situaziun è vinavant dramatica.

Situaziun dramatica a Braunsbach: Video d'ina perditga

Tenor indicaziuns da la citad da Schwäbisch Gmünd è in pumpier mort cun empruvar da salvar ina persuna. Era la persuna ch'el vuleva salvar è era morta. Er a Weissbach è morta ina persuna en ina garascha sutterrana suenter ch'in'inundaziun aveva surprais ella. Quai ha confermà la polizia. Las autoritads localas discurran dad ina catastrofa da la natira.

Ils lieus pertutgads.
Legenda: Ils lieus pertutgads. SRF

En blers lieus tudestgs hai dà grondas inundaziuns. La vischnanca Braunsbach è cunzunt ferm pertutgada da la malaura. Là è il flum ì surora. La lozza ha purtà davent blers autos. Davart il donn material na datti er anc naginas indicaziuns uffizialas.

Tar il producent d'autos Audi a Neckarsulm è la producziun sistida. La plievgia ha innundà parts da la fabrica nua che cunzunt il model A4 vegn fabritgà. Er la viafier annunzia numerusas bloccadas ed impediments.

RR novitads 06:00+