Siglir tar il cuntegn

Exteriur Grevas renfatschas envers la polizia da Ferguson

Il ministeri da giustia american fa grevas renfatschas a la polizia da la citad pitschna Ferguson en il stadi Missouri. Nairs vegnian discriminads sistematicamain da la polizia, uschia hai num en in rapport.

2 policists che sbragian si per in Afro-american.
Legenda: Tenor il minister da giustia american vegnian Afro-americans tractads mal en la citad Ferguson. Reuters

Tar controllas da traffic vegnian per exempel automobilists afro-americans tegnids si surproporziunalmain savens. I vegn era discurrì d'arrests senza suspect suffizient.

Tumults en citad

A Ferguson ha in policist alv sajettà giu l'avust in giuven nair. Il cas ha distatgà intgins dis tumults en la citad ed era lantschà ina debatta davart la violenza da la polizia envers la populaziun naira.

RR novitads 07:00