Dus dis avant la votaziun dal pievel en Grezia ha il fond d'agid da l'euro declerà il pajais sco insolvent. I saja però vegnì decis da betg pretender enavos immediat ils credits d'Athen. A medem temp na desistia il fond però betg sin ses dretg d'agir.
En Grezia decida il pievel la dumengia davart il program da spargn proponì dals crediturs. Dal resultat dependa sche e co che la Grezia e ses crediturs vegnan en l'avegnir a sa cussegliar davart ulteriur agid per il pajais en la crisa.
RR novitads 16:00
sda/al