La Grezia ha per l'emprima giada en sia istorgia elegì ina dunna sco scheffa da stadi. Il parlament grec ha elegì Ekaterini Sakellaropoulou cun radund 260 da 300 vuschs, ha communitgà il president dal parlament.
La giurista da 63 onns succeda al conservativ Prokopis Pavlopoulos. Ses temp d'uffizi scada regularmain il mars, quai suenter 5 onns. Il schef u la scheffa da stadi en la Grezia ha mo incumbensas represchentativas.
audio
Per tadlar: Las novitads da las 12.00
ord Novitads dals 22.01.2020.
Maletg: RTR
laschar ir. Durada: 5 minutas 30 Secundas.RTR novitads 12:00