Siglir tar il cuntegn

Header

cuntegn

Exteriur Grezia: Entschatta da scola per uffants fugitivs

Per radund 1'500 uffants fugitivs en la Grezia ha la scola cumenzà glindesdi.

La finamira dal minister da furmaziun grec Nikos Filis èsi che tuts ils passa 20’000 fugitivs minorens en il pajais han la pussaivladad dad ir a scola fin la fin d’october. Quai en 20 scolas ed en plirs champs. La scola ha lieu mintgamai il suentermezdi.

Ils plans da la regenza greca han provocà fin la fin critica tar intgins burgais. Sin l’insla Lesbos han geniturs vilads schizunt serrà ina scola cun in maschlos. Geniturs han per part protestà cun l'argument ch'ils uffants fugitivs na sajan betg vaccinads ed uschia in privel per lur agens uffants.

Questa pretaisa han las autoritads dentant refusà. Ils uffants fugitivs sajan gia daditg vaccinads, ha ditg il minister. Els na dastgian betg vegnir sclaus e stoppian avair la pussaivladad d’emprender il linguatg e da far termagls en il liber cun auters uffants.

RR novitads 10:00

Artitgels legids il pli savens