Siglir tar il cuntegn

Header

cuntegn

Exteriur Grezia – Idomeni vegn rumì

Sut ils egls attents da las cameras ed in calma haja la polizia cumenzà, da rumir il champ dad Idomeni, rapporta l’AFP e citescha a Giorgos Kyritsis, il pledader dal servetsch da coordinaziun en la crisa da migraziun.

Dapi questa bun’ura èn las autoritads greccas cun bunamain 700 policists, vehichels da polizia ed in helicopter sin il lieu per far ina fin al champ da fugitivs e migrants.

La rumida succedia en calma e saja organisà bain

Las autoritads greccas quintan cun radund in’emna per rumir il champ. Tenor l’AFP sajan ils policists gia arrivads il di avant per preparar l’acziun. Ina represchentanta da Médecins sans frontières ch’è sin il lieu di che l’acziun saja «organisada fitg bain» e succedia en calma.

Ina lingiada da bus che spetgan.
Legenda: La rumida dad Idomeni - la gronda part da las medias vegn tegnida sin distanza. Keystone

Transfer en allogis provisorics sper Thessaloniki

Migrants e surtut famiglias han da sortir da lur tendas ed ir en bus e cars per vegnir transferids in centers d’accoglientscha vischins.

La decisiun da rumir il champ aveva tenor funtaunas tar la polizia gia intimà en il decurs dals ultims 15 dis a radund 2’500 fugitivs da partir en transfers organisads. In dumengia sun seguidas radund 800 persunas ed en las emprimas dus uras da l’acziun anc ina giada 609.Ellas vegnan transferidas en la vischinanza da Thessaloniki. Là han las autoritads greccas organisà 2 champs cun tendas e 7 fabricas che n’èn betg pli en funcziun sco allogis.

Mess fin a relaziuns umanitaras miserablas

En il champ selvadi al cunfin grec-macedon vegetavan radund 8’400 persunas sut cundiziuns miserablas. Il champ era sa furmà al cumenzament da mars. Las autoritads macedonas avevan decidì quella giada, en tut las discussiuns enturn la «ruta dal Balcan», da serrar ses cunfins.

En consequenza eran millis da fugitivs da la Siria, l’Irac, Afghanistan, Iran e dal Maghreb restads traplads en la regiun da cunfin tranter Macedonia e Grezia.

RR novitads 08:00+

Artitgels legids il pli savens