Grezia - Putin en claustra

Il president russ Waldimir Putin è pelegrinà tar la republica da muntgs Athos. Quai è il segund di dad in viadi ch’el ha fatg en Grezia. In sonda saira turna el a Moskau.

Putin tegan ina chandaila davant in altar. Bild in Lightbox öffnen.

Legenda da maletgs: Wladimir Putin tar ils muntgs ortodox - en visita en la republica muntogna Athos. Keystone

Sursiglir cuntegn supplementar

Athos, la republica da muntgs

Ils muntgs dad Athos.

Keystone

  • è 335 kilometers quadrats gronda
  • è en l’ost da Chalkidiki
  • vegn abitada da 2’300 umens: muntgs, administraturs e polizists
  • ils muntgs derivan quasi tuts da stadis cristian-ortodox
  • bartgas dad excursiun cun dunnas a bord han da tegnair ina distanza da 500 meters da la riva dal mar
  • umens dovran ina permissiun

La muntogna Athos è in dals centers principals per il cristianissem ortodox. En il lieu principal Karyes aveva lieu ina curta messa rapportescha la televisiun grecca (ERT).

Tar las festivitads eran er preschents il president da stadi grec, Prokopis Pavlopoulos, ed il patriarc russ Kirill a la testa dad ina delegaziun da spirituals da la baselgia russ-ortodoxa.

Ina claustra sin in munt sur il mar. Avrir maletg en lightbox.

Legenda da maletgs: La republica da muntgs Athos - qua la claustra Grygoriou. Keystone

1'000 onns muntgs russ ad Athos

Quest onn vegn festivà ch’ils muntgs russ èn dapi 1’000 onns sin la muntogna Athos.

En ils archivs da la republica da muntgs datti mussaments dal emprim avat russ che derivan da l’onn 1016, uschia la suprastanza da la republica da muntgs. Il suentermezdi ha Putin visità la claustra da Agios Panteleimon ch’è abitada en emprima lingia da russ.

Putin e Tsipras discutan ensemen, Avrir maletg en lightbox.

Legenda da maletgs: Avischinaziun gea, ma na memia da strusch - il president russ Putin ed il schef da regenza grec Tsipras. Keystone

Emprim di sut l'insaina da l'avischinaziun

Durant l’emprim di da la visita avevan Putin ed il schef da regenza grec, Alexis Tsipras, fixà, dad intensivar las relaziuns tranter lur 2 pajais.

Wladimir Putin ha detg che la Russia n’haja betg sepulì lur plans per ina lingia da gas tras la Mar Naira en Grezia e vinavant en Italia. En pli haja l’economia russa interess da cumprar firmas grecas che duajan vegnir privatisadas. Uschia per exempel la viafier ed il port da Thessaloniki.

Tsipras ha rendì clar che las ragischs da la Grezia sajan en Europa, en il Vest ed en la Nato. El n’esiteschia dentant betg dad intensivar era las relaziuns cun il ost da l’Europa.

La saira turna Putin puspè a Moskau.

RR novitads 10:00