Suenter lur arrivada en Belgia vegnan ils fugitivs transportads a Luxemburg nua ch'els duain er vegnir recepids, communitgescha la regenza grecca.
Il program da translocar fugitivs era vegnì decis il settember da tscherts pajais da l'Uniun europeica. Quel prevesa da reparter stgars 160’000 fugitivs da l'Italia e la Grezia en il nord ed il vest da l'Europa. Fin ussa è però pir vegnì repartì stgars 90 fugitivs.
Il schef da l'agentura da cunfin da l'Uniun europeica «Frontex» quinta ch'il dumber da fugitivs en l'UE creschia vinavant. Fin uss haja Frontex registrà quest onn passa 800’000 surpassaments da cunfin illegals. Quai ha Fabrice Letteri ditg envers la gasetta "Bild-Zeitung".
RR novitads 08:00/12:00