Siglir tar il cuntegn

Exteriur Grezia sto preschentar glista da refurmas immediatas

La Grezia survegn anc in zichel dapli temp per preschentar refurmas. Senza concretas refurmas n’èn ils crediturs internaziunals betg pli pronts da dar daners a la Grezia.

Il primminister grec Alexis Tispras
Legenda: Il primminister grec Alexis Tispras survegn anc in zichel dapli temp per preschentar concretas refurmas als crediturs. Keystone

Suenter tractativas da pliras uras èn il primminister grec Alexis Tispras ed ils represchentants da l'UE sa cunvegnids ad ina decleraziun communabla en la dispita da debits. Quella oblighescha la Grezia da preschentar ils proxims dis ina glista da refurmas che sa laschan realisar immediat.

Ils crediturs internaziunals dovrian ina conferma dals plans avant ch'ins possia dar liber novs daners al pajais, uschia la chanceliera tudestga, Angela Merkel. Las tractativas han gì lieu a l'ur da l'inscunter suprem a l'Uniun Europeica a Brüssel.

RR novitads 06:00