Siglir tar il cuntegn
cuntegn

Exteriur Grezia survegn anc in'ultima schanza

La Grezia survegn anc in'ultima schanza per guntgir il bancrut statal. La regenza grecca ed ils crediturs internaziunals èn sa cunvegnids da chattar fin la gievgia schliaziuns per salvar il pajais.

fatscha da Angela Merkel
Legenda: Angela Merkel ha ditg ch'i saja anc da lavurar intensiv vid ina schliaziun. Keystone

Damaun datti in ulteriur inscunter dals schefs da stadi e da regenza da la zona da l'euro. La chanceliera tudestga Angela Merkel ha ditg ch'i dovria anc lavur absolutamain intensiva. Las novas propostas da la regenza grecca en connex cun la dispita da daivets sajan ina buna basa ed in pass positiv enavant, ha ditg il president dal cussegl d'Europa, Donald Tusk

Anc quest'emna ina schliaziun

Il president da la cumissiun da l'UE, Jean-Claude Juncker ha fatg a savair ch'el partia dal fatg ch'i dettia anc quest'emna ina schliaziun. En la chapitala greca Athen han demonstrà ier saira pliras milli persunas per che la Grezia possia salvar l'euro sco valuta. Ellas pretendan che la regenza Alexis Tsipras sa cunvegnia cun ils partenaris europeics e cun ils crediturs internaziunals.

RR novitads 06:00