Ins haja nudà marcantamain damain reservaziun, sco er dapli annullaziuns da viadis gia cudeschads. Quai rapportan las medias localas.
Ordvart pertutgadas sajan las inslas en l'ost da la Mar Egeica. Las reservaziuns per l'insla da Lesbos per exempel sajan sa reducidas per 90%; quellas per Samos per 40%.
En Grezia contribuescha il turissem a radund 25% dal product naziunal brut. Ina reducziun pudess flaivlentar vinavant il pajais ch'ha gia da cumbatter cun las consequenzas da la crisa da finanzas.
RR novitads 12:00
