Exteriur - Grezia trametta enavos fugitivs en Tirchia
La Tirchia ha per la segunda giada aifer paucs dis prendì enavos ina gruppa da fugitivs. Las autoritads greccas han tramess enavos en in bus da polizia 90 persunas che derivan dal Pakistan, il Maroc, l'Algeria e la Tunesia.
Ils fugitivs eran vegnids las emnas passadas da la Tirchia sin las inslas greccas ed aveva refusà da dumandar per asil en la Grezia. Enstagl avevan els planisà dad ir vinavant vers l'Europa centrala ed èn vegnids arrestads da las forzas da segirtad greccas.
