Tar ina conferenza da pressa a Thessaloniki ha Tsipras fatg attent ch'ils crediturs erian d'accord avant quatter onns da reducir ils debits da la Grezia. Quai apaina che la Grezia haja in surpli en il budget. Quai saja gia dapi daditg il cas.
Sch'ins guardia enturn en la regiun, saja la Grezia malgrà ses problems ina oasa da la stabilitad e da la pasch. Perquai saja da chattar ina soluziun finala per ils debits da la Grezia fin la fin da l'onn, uschia Tsipras. Novas controllas dals crediturs da la Grezia èn previsas per l'atun. Ils debits da la Grezia vegnan stimads sin var 330 milliardas euros.
RR novitads 16:00