Il parlament grec vul installar ina cumissiun che sclerescha co il pajais è arrivà en la crisa da daivets e las circumstanzas dals dus pachets da salvament.
La maioritad dal parlament vul uschia era laschar intercurir las cunvegnas cun ils crediturs internaziunals. Cun quai tegn il primminister Alexis Tsipras ina da sias empermischuns electoralas.
L'opposiziun rinfatscha a la regenza actuala da vulair distrair la populaziun dals gronds problems actuals.
