Il prim-minister britannic, Boris Johnson, ha pudì bandunar la staziun intensiva - nua ch'el era pervi da sia infecziun cun il coronavirus. El saja ussa sin ina staziun normala dal St Thomas Hospital, ha communitgà ina pledadra da la regenza englaisa.
En la Gronda Bretagna èn ils experts da l'avis, ch'il pajais n'haja anc betg cuntanschì il punct culminant da la pandemia. Enfin la gievgia è il dumber dals morts pervi dal coronavirus s'augmentà sin bunamain 8'000. Il dumber dals cas confermads è tar passa 65'000.