Il primminister britannic, Boris Johnson, ha annunzià la fin da la gronda part da las restricziuns pervi da la pandemia da corona. L’obligatori da mascrinas e da lavurar da chas’ora valia be anc enfin l’emna che vegn, ha Johnson ditg davant il parlament britannic.
Plinavant na saja, a partir dals 27 da schaner, il certificat da covid betg pli prescrit per ir en in club u ad ina occurrenza gronda. Expertas ed experts da sanadad sajan optimistics ch’il punct culminant da l’unda dad omicron saja passà en il pajais uschia Johnson vinavant.