Siglir tar il cuntegn

Header

Navigaziun

cuntegn

Gronda Britannia Cedels d'eleger dubels tar elecziun tar ils Tories

johnson e hunt
Legenda: Il victur da l'elecziun per il presidi dals Tories vegn era a daventar primminister: Boris Johnson (san.) u Jeremy Hunt (dretg). Keystone

Tar l'elecziun dal president da la partida conservativa britannica han commembers per part survegnì plirs cedels d'elecziun. Sco quai che l'emettur public britannic BBC rapporta conferman commembers da la partida ch'i pudessia esser fin a 1000 commembers ch'han survegnì plirs cedels. La panna saja eventualmain da declerar cun il fatg che commembers che vivian e lavurian en plirs circuits sajan forsa era registrads en plirs circuits.

Tgi che dat giu plirs cedels, vegn sclaus da la partida

La partida Tory n'ha betg anc prendì posiziun. Tenor la BBC haja quai gì num mo che las prescripziuns aifer la partida sajan cleras: Tgi che dettia giu plirs cedels d'elecziun, vegnia sclaus da la partida.

President dals Tories vegn era primminister

Radund 160'000 commembers e commembras dals Tories han d'eleger in president da partida fin ils 22 da fanadur. En elecziun èn l'anteriur minister d'exteriur Boris Johnson ed il minister da l'exteriur actual Jeremy Hunt. Il nov president dals Tories vegn era primminister da la Gronda Britannia, suenter che la scheffa da partida Theresa May ha demissiunà.

RR novitads 15:00