Gronda Britannia: in'ulteriura ministra sa retira

La ministra per l'agid al svilup Priti Patel sa retira pervi d'in inscunter dispitaivel cun il primminister israelian Benjamin Netanjahu durant sias vacanzas.

Priti Patel Bild in Lightbox öffnen.

Legenda da maletgs: Priti Patel è sa retratga da ses uffizi sco ministra da l'agid al svilup. Keystone

Quai ha confermà in pledader da la regenza a Londra. Patel era vegnida crititgada fermamain pervi da quest inscunter privat, perquai ch'ella n’aveva betg infurmà ordavant la primministra Theresa May u il minister da l’exteriur Boris Johnson.

La primministra Theresa May ha beneventà la decisiun da Priti Patel da sa retrair. I saja endretg che Patel sa suttamettia sezza als auts standards da transparenza per ils quals ella saja adina s'engaschada fitg.

La ministra per l'agid al svilup è gia il segund commember da la regenza da Theresa May che sa retira u sto sa retrair entaifer in'emna. L'emna passada era il minister da defensiun Michael Fallon sa retratgs pervi da renfatschas da mulestas sexualas.

RR novitads 06:00