Siglir tar il cuntegn

Header

Il parlament britannic. Fitg blers deputads en la sala da parlament.
Legenda: Il parlament britannic ha approvà las elecziuns anticipadas ch'il primminister Boris Johnson aveva pretendì. Keystone
cuntegn

Gronda Britannia La Gronda Britannia sa prepara per novas elecziuns

La chombra dals deputads britannica vul novas elecziuns il december che vegn. Ella ha approvà cun gronda maioritad ina lescha en quest senn.

438 deputads da la chombra da deputads han vuschà per novas elecziuns e be 20 cunter. La regenza dal primminister Boris Johnson è uschia vegnida tras cun sia proposta da far ils 12 da december elecziuns anticipadas.

L'opposiziun che vuleva novas elecziuns gia ils 9 da december, n'ha betg gì success. Er la dumonda da midar il dretg d'eleger britannic, n'ha betg chattà ina maioritad en il parlament. L'opposiziun vuleva il dretg d'eleger er per giuvens da 16 e 17 onns sco er per vischins da l'UE che vivan gia pli ditg en la Gronda Britannia.

Johnson dovra maioritad per realisar il Brexit

Il primminister Boris Johnson spera da cuntanscher en las elecziuns dal december ina maioritad per finalmain pudair purtar il pajais or da l'UE. Sia partida conservativa n'ha actualmain numnadamain nagina maioritad en la chombra da deputads.

Video
Johnson dovra ina maioritad per ses Brexit-deal
Or da News-Clip dals 29.10.2019.
laschar ir

RR novitads 06:00