Siglir tar il cuntegn

Header

Video
La derschadra Lady Hale prelegia la decisiun dal Supreme Court
Or da News-Clip dals 24.09.2019.
abspielen
cuntegn

Gronda Britannia Pausa sfurzada dal parlament è illegala

  • La pausa sfurzada dal parlament entras il primminister Boris Johnson n'è betg legala.
  • Quai ha decis unanim la dretgira suprema da la Gronda Britannia a Londra.
  • Uss cloma il president dal parlament John Bercow puspè ensemen il parlament britannic per la mesemna da mezdi.

Boris Johnson aveva tramess ils parlamentaris per tschintg emnas en ina pausa sfurzada, enstagl da las duas emnas usitadas. Pliras persunas or dal parlament avevan purtà plant cunter la decisiun da Johnson. L'intenziun da la pausa saja da impedir il parlament. La regenza percunter ha argumentà, ch'ì saja sulettamain la chaussa da Johnson da decider sur dal temp da pausa, e betg da dretgiras.

Uss ha la pli auta dretgira da la Gronda Britannia decis, ch'il parlament haja il dretg da pudair s'exprimer avant ina situaziun uschè impurtanta sco il Brexit planisà ils 31 d'october, sco ella ha communitgà. Per la regenza na dettia nagina giustificaziun da prender ina tala mesira.

La decisiun dal primminister, da sfurzar il parlament avant la sortida planisada or da l'UE ad ina pausa da tschintg emnas, aveva manà a grondas demonstraziuns en l'entir pajais.

RR novitads 12:00