Siglir tar il cuntegn

Header

cuntegn

Gronda Britannia Schluccada modesta da las mesiras da corona

En la Gronda Britannia ha il primminister Boris Johnson annunzià ina schluccada modesta da las mesiras da corona.

Il dumber da mortoris è tragic, la suffrientscha immensa.
Autur: Boris Johnsonprimminister Gronda Britannia

I saja dentant tuttina reussì da franar la derasaziun dal coronavirus. Perquai possian ins ussa cumenzar cun ina schluccada modesta da las mesiras. A partir da mesemna dastgia la glieud puspè ir ina giada al di or en il liber, en il parc, far excursiuns u era sport, quai dentant mo cun persunas da la medema chasada. Viadis entaifer il pajais, per exempel tar parcs naziunals u a la costa sajan era puspè lubids.

Empè da star a chasa – nov star attent

La regla da star a chasa vegnia remplazzada cun la regla da star attent. Tgi che na po betg lavurar davent da chasa, duai puspè ir a lavurar, dentant cun resguardar las distanzas. Sche pussaivel na duain ins betg far diever dal traffic public. Il pli baud l'entschatta zercladur pon era puspè fatschentas e scolas avrir lur portas. Davent dal fanadur possian ins quintar da puspè avrir restaurants e fatschentas cun pli bler public.

Il dumber da morts confermads dal coronavirus è la dumengia creschì per 269 sin 31'855. En il Reginavel Unì èn ussa mortas tras Covid-19 uschè bleras persunas sco en nagin auter pajais da l'Europa.

Ord l'archiv

video
Gronda Britannia reagescha be plaun sin Covid-19
Or da Tagesschau dals 18.03.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga