La Gronda Britannia ha danovamain spustà las controllas pli severas per victualias importadas da l’Uniun europeica. La mesira duaja pir vegnir introducida a partir da l’auter onn, ha communitgà la regenza a Londra. L'industria haja giavischà quai, uschia l'argumentaziun da la regenza. Las partidas involvidas duajan survegnir dapli temp da sa preparar sin las novas reglas.
Oriundamain eri planisà d’introducir las controllas pli severas la fin d’october. La Gronda Britannia importescha ina gronda part da sias victualias da l’UE. Quella controllescha gia imports da la Gronda Britannia dapi il Brexit.