Siglir tar il cuntegn

Exteriur Gronda Britannia venda sia cumpart ad Eurostar

La Gronda Britannia venda sia participaziun al traffic da viafier sut il Chanal da la mongia per radund 862 milliuns francs, quai ad in consorzi canadais-britannic.

Vista sin in tren da l'Eurostar.
Legenda: La cumpart venda la Gronda Britannia per radund 862 milliuns francs. Keystone

Il minister da finanzas George Osborne ha declerà che la vendita haja purtà dapli che spetgà. La cumpart da radund 40% ad Eurostar va al fond da pensiun Caisse de Depot du Placement du Quebec e l'administratur da facultad Hermes. Il fond canadais surpiglia 30% da la cumpart, Hermes 10%. Era participà ad Eurostar è la Frantscha cun 55%.

RR novitads 8:00