Siglir tar il cuntegn

Header

Navigaziun

vid montar ensemen autos.
Legenda: Tut en tut sajan 2,4 autos vegnids vendids il 2018 en la Gronda Britannia. Keystone
cuntegn

Exteriur Gronda Britannia vendì 7% damain autos

En vista al Brexit è il martgà d'autos en la Gronda Britannia tschessà l'onn passà per 7%. Quai resulta da las datas da l'uniun d'automobils.

Ins haja vendì en tut 2,4 milliuns autos l'onn 2018. Uschè paucs autos han ins vendì la davosa giada avant 10 onns durant la crisa da finanzas. Lura han ins constatà in minus dad 11,3%.

Brexit in motiv per recessiun

Tranter auter na sajan autos da diesel betg pli dumandads sin il martgà d'autos. Uschia saja la vendita d'autos da diesel sa reducida il 2018 per bunamain 30%. Plinavant sajan las prescripziuns da svapur vegnidas pli rigurusas. Ma ils cumpraders d'autos sajan er malsegirs pervi da las intschertezzas enturn il Brexit. Uschia di il parsura da l'uniun d'automobils, Mike Hawes, che tuts vesian ch'il Brexit pericliteschia existenzialmain l'industria d'automobils. En l'industria d'autos britannica lavuran radund 850'000 persunas.

RR novitads 11:00