En la baselgia da Saint-Sulpice eran tranter auter il president russ Wladimir Putin, il schef da stadi talian Sergio Mattarella, Cusseglier federal Guy Parmelin sco er l’anteriur president american Bill Clinton.
Prendi cumià da Chirac han er il president franzos Emmanuel Macron e ses antecessurs François Hollande, Nicolas Sarkozy e Vallery Giscard d’Estaing. Jaques Chirac è mort la gievgia passada en la vegliadetgna da 86 onns.
«Adieu et merci, Monsieur Chirac»
Cun quests pleds ha l'archuvestg Michel Autpetit prendì cumià da l'anteriur president franzos. Per la prima giada dapi la catastrofa da l'incendi l'avrigl ha puspè tutgà il zain da la Notre-Dame.
RR novitads 15:00