Siglir tar il cuntegn

Exteriur Guardia da costa taliana ha salvà 800 fugitivs

Las persunas che derivian per gronda part da la siria sajan vegnidas chattadas sin dus bastiments avant la Sizilia.

bastiment da la guardia da costa taliana che maina cun in bastiment da fugitivs
Legenda: La guardia da costa taliana ha salvà 800 fugitivs da dus bastiments, sumegliant sco qua il 2011. Keystone

Tenor l'ovra d'agid per fugitivs ,UNHCR, n'han dapi in onn mai pli tantas persunas da la Siria e l'Irac empruvà communablamain il viadi sur mar en l'Europa.

Savens è la Libia il lieu da partenza per la fugia sur la Mar Mediterrana en l'Italia. L'avrigl èn tenor l'UNHCR var 9'000 fugitivs arrivads en l'Italia. Quai en passa dubel uschè blers sco en Grezia.

Dapi la cunvegna tranter l'Uniun europeica e la Tirchia, en la quala la Tirchia è sa declarada pronta da prender enavos fugitivs da la Grezia, na para la Grezia betg pli dad esser finamira principala dals fugitivs. Plinavant èn las controllas sin l'uschenumnada «ruta dal balcan» vegnidas intensivadas.

RR novitads 06:00