Siglir tar il cuntegn

Header

cuntegn

Guardia Papala Svizra In temp che resta en regurdanza

135 gardists èn per il mument en la Guardia Papala Svizra, pia è il duair emplenì. Tenor il responsabel da medias è la lavur attractiva. Dad ina vart perquai che la paja è per relaziuns talianas auta ed ils gardists han naginas autras expensas. En mintga cas saja la lavur ina experientscha speziala che resta en regurdanza.

audio
La situaziun dals gardists en il Vatican
ord Actualitad dals 24.06.2022.
laschar ir. Durada: 3 minutas 26 Secundas.
Manuel von Däniken davant armaziun
Legenda: Manuel von Däniken abitescha e lavura en il Vatican MAD

In sguard enavos da dus gardists anteriurs

Martin Muoth era per dus onns gardist en il Vatican. El appreziescha il contact cun ils auters gardists e la buna amicizia. Il pli spezial era per el dad esser uschè datiers al Papa e savair barattar in ni l’auter pled cun el. Durant quests dus onns ha Martin Muoth vesì bleras persunas prominents ch'èn vegnids sin visita tal Papa, tranter auter la Regina da l’Engalterra u il president da l’America.

Sch’ins porta l’unifurma èn ins in magnet da turists.
Autur: Martin Muoth anteriur gardist
audio
Martin Muoth lavura ussa en la praschun
ord Actualitad dals 24.06.2022.
laschar ir. Durada: 4 minutas 9 Secundas.

Corsin Kofler è creschì si a Riom en il Surses, ì en il Vatican sco gardist ed uss stat el a Bulsaun en il Tirol dal Sid. Per el èsi stà ina gronda midada dad ir en ina metropola sco Roma, però il temp sco gardist ha el giudì fitg e questas experientschas restan per adina en sias regurdientschas. Per el èsi stà in'onur da lavurar per il Papa ed adina sch’el ha discurrì cun il Papa era quai insatge fitg spezial.

Jau prend cun mai sis bels onns che jau na vegnia mai ad emblidar.
Autur: Corsin Kofler anteriur gardist
audio
Corsin Kofler è restà en l'Italia
ord Actualitad dals 24.06.2022.
laschar ir. Durada: 3 minutas 33 Secundas.
Papa e Corsin Kofler.
Legenda: Corsin Kofler cun il Papa Benedetg XVI. MAD

RTR actualitad 07:00

Artitgels legids il pli savens

Scrollar a sanestra Scrollar a dretga