11 milliuns uffants en il pajais da guerra Jemen èn dependents d'agid umanitar. Quai scriva l'Ovra d'agid per uffants Unicef. Passa dus milliuns uffants han patì d'ina mancanza da nutriment acuta. Passa in mez milliun da quels sajan periclitads da la vita. Senza tractament medicinal saja lur vita en privel.
L'istorgia da la guerra
La raschun sajan l'economia ed il sistem social che na funcziunan betg pli pervi dal conflict permanent. Dapi otg onns dura la guerra civila en il Jemen. Tenor indicaziuns da l'ONU dovran quest onn passa 21 milliuns persunas agid umanitar.
En la guerra èn l'Arabia Saudita è l'Iran involvì. L'Arabia Saudita sustegna la partida sunnita, l'Iran la partida schiita. La guerra tutga tar las mendras catastrofas umanitaras dal mund.