Ils Stadis Unids furneschan per l'emprima giada muniziun cun uran reducì a l'Ucraina. Quai en il rom d'in pachet da sustegn da 175 milliuns dollars. La muniziun è per panzers ed ha ina gronda forza da penetrar armaments. Ella è dentant era dispitaivla, pervi dal risico per la sanadad entras il contact cun pulvra radioactiva.
Uran reducì è in product lateral da la concentraziun d'Uran. Sper la muniziun speziala duai l'Ucraina era survegnir sistems da navigaziun per eroplans e sistems da defensiun encunter panzers.