A partir da damaun mardi duai il contingent principal da las truppas russas cumenzar, da sa retrair da la Siria. Quai ha communitgà Putin ad in inscunter cun ministers da l’exteriur e da la defaisa a Moskau. Las finamiras da l’intervenziun militara sajan accumplidas per gronda part.
En pli ha Putin cumandà, che la Russia surpiglia ina rolla pli gronda en il process da pasch, per terminar il conflict. Sco quai che ses pledader, Dmitri Peskow, di, haja Putin telefonà al schef da stadi sirian Baschar al-Assad, per communitgar sia decisiun.
RR novitads 20:00