Guvernaturs democrats per New Jersey e Virginia

En ils stadis federativs da Virginia e New Jersey èn vegnids elegids novs guvernaturs. Omadus posts vegnan da nov occupads da democrats. Ed era il democrat Bill de Blasio è vegnì reelegì sco president da la citad da New York. Quai demussan las calculaziuns.

Il politicher american sa legra suenter l'elecziun. Bild in Lightbox öffnen.

Legenda da maletgs: Il democrat Ralph Northam sa legra da sia victoria en il stadi federativ da Virginia. Reuters

En il stadi federativ da Virginia ha il democrat Ralph Northam cuntanschì 51,82% da las vuschs suenter la dumbraziun da dus terzs da las vuschs. Ses rival republican Ed Gillespie, ch'è s'orientà durant il cumbat electoral fitg vid il president Donald Trump, ha be cuntanschì 46,99% da las vuschs. I era vegnì prognosticà ina decisiun fitg stretga.

En il stadi federativ da New Jersey gudogna sco spetgà il democrat Phil Murphy. Ses antecessur è sta il republican guvernatur Chris Christie. Lez è sta ditg en stretg contact cun Trump.

En in onn èn las elecziuns dal congress. Ils democrats speran da pudair gudagnar enavos la maioritad en il senat e la chombra dals deputads.

RR novitads 06:00