Sco l’emettur da televisiun american CNN rapporta sajan hackers russ entrads en il sistem da computers da la Chas’alva a Washington. CNN referescha sin funcziunaris uffizials ed accentuescha ch’il cas saja stà serius.
Ils hackers hajan giu access al plan da termins betg uffizials dal president Barack Obama. Quai sajan infurmaziuns impurtantas per in servetsch secret ha CNN cità in funcziunari.
Il cas è gia succedi l’atun passà. Sco ils investigaders han constatà dettia quai indecis ch’ils attatgaders stettian en connex cun la regenza russa.
