Siglir tar il cuntegn
cuntegn

Exteriur Hackers han engulà datas persunalas da politichers tudestgs

En Germania èn para plirs tschients politichers daventads unfrendas da hackers. Nunenconuschents hajan engulà datas e documents dals politichers e publitgà quels en l’internet. Quai rapporta l’emettur tudestg ARD.

Purtret d'ina persuna che lavura vid in laptop.
Legenda: Hackers han publitgà datas da tschients politichers tudestgs sin Twitter. Keystone

Tranter auter han ils hackers publitgà numers da telefonins ed adressas, ma er chats privats e detagls da cartas da credit. Sche tuttas datas èn propi autenticas è anc avert. Chattà il leak han las autoritads gievgia saira. Dapi lura èn ils chaus da las partidas en il Bundestag fatschentadas cun il tema. Sco quai che l’ARD rapporta, sajan politichers da tut las partidas auter che da l’AfD pertutgads.

Piglià posiziun uffizialmain n'han anc naginas partidas. Tgi ch'è responsabel per la publicaziun da las datas n'è anc betg enconuschent. Exact uschè pauc enconuschan las autoritads las raschuns per publitgar las datas.

RR novitads 10:00