Siglir tar il cuntegn

Header

Jovenel Moise embratscha in electur
Legenda: Jovenel Moise sto ir en in'elecziun decisiva. Keystone
cuntegn

Exteriur Haiti spetga vinavant sin in nov president

En il Haiti dovria in'elecziun decisiva per il presidi. Nagin dals candidats ha cuntanschì la maioritad necessaria. Ils candidats finals èn Jude Célestin e Jovenel Moise.

Il Haiti basegna in'elecziun decisiva la fin da december per eruir il nov president.
Ils candidats èn Jude Célestin e Jovenel Moise, sco l'autoritad electorala annunzia. Tar l'emprima elecziun la fin d'october han quests dus candidats fatg las bleras vuschs: Moise ha cuntanschì 33% da las vuschs e Célestin 25%. Omadus han dentant manchentà la maioritad necessaria.

Moise ha il sustegn da la gruppa enturn il president partent Michel Martelly. Célestin appartegna a la partida da l'anteriur president René Préval. Pervi dad irregularitads e violenza tar l'emprim'elecziun l'avust ha l'elecziun stuì vegnir repetida en plirs circuls electorals. Tut en tut èn 54 candidats s'annunziads sco candidats per l'uffizi presidial dal Haiti.

RR novitads 09:00

Dapli da Exteriuravrir la Landingpage

Nach links scrollen Nach rechts scrollen