Siglir tar il cuntegn

Header

Video
Halle: Dus morts suenter sajettim
Or da News-Clip dals 09.10.2019.
laschar ir
cuntegn

Halle en Germania Dus morts suenter attatga avant sinagoga

  • A Halle èn almain duas persunas vegnidas mazzadas oz suentermezdi.
  • Ina persuna saja vegnida arrestada.
  • Tenor la polizia sajan dentant pliras persunas anc sin la fugia.
  • La citad da Halle discurra d'ina «situaziun d'amoc».
  • La polizia avertescha la populaziun da restar en chasa.

Suenter ils sajets mortals en la citad tudestga Halle a Sachsen Anhalt investighescha la procura publica pervia da mazzament. Tenor emprimas enconuschientschas èn duas persunas vegnidas mazzadas. Ina da las unfrendas è vegnida chattada datiers dad ina sinagoga.

Pliras persunas armadas sajan sin la fugia. La polizia haja arrestà ina persuna suspectada. Ella ha appellà a la populaziun da restar en lur abitaziuns u al plaz da lavur. La raschun per il delict n'è anc betg clera. Er a Landsberg, bun 15 kilometers da Halle, èsi vegnì sajettà. Qua n'ha la polizia dà naginas infurmaziuns.

RR novitads 16:00