Hannelore Elsner ha influenzà la scena dal kino e da la televisiun tudestga sco nagin'autra. Nus faschain reverenza davant la prestaziun da questa grond'actura.
L'actura ha giugà en numerus films da kino e da televisiun. Propi enconuschenta era ella sco «Die Kommissarin» (1994-2006) en la televisiun. L'ultim film cun Elsner è stà «Kirschblüten & Dämonen». En Germania è quel film cumparì il mars da quest onn.
Hannelore Elsner ha survegnì pliras giadas il Premi dal film tudestg, sco era numerus auters premis. L'emprim premi ha ella gia survegnì cun 29 onns.
Legenda:
In purtret da Hannelore Elsner durant la lavur sco «Die Komissarin» per la seria da crimi da l'ARD.
Keystone
Naschida è Elsner ils 26 da fanadur 1942 en Bavaria datiers dal cunfin cun l'Austria. Creschida si è ella a Neuötting, avant che sia famiglia è sa chasada a Minca.
RR novitads 16:00