Siglir tar il cuntegn
Inhalt

Exteriur Hariri turnà en il Libanon

Avant bunamain trais emnas ha il primminister dal Libanon, Saad Hariri, durant in viadi en l'Arabia Saudita communitgà ch'el sa retiria. Surprendentamain è el uss turnà en sia patria.

Il prim-minister dal Libanon Saad Hariri.
Legenda: Hariri surprendentamain turnà en il Libanon. Keystone

Stgars trais emnas suenter ch'el è sa retratg surprendentamain, è l'anteriur primminister dal Libanon, Saad Hariri, turnà il mardi saira en sia patria. Tenor ses pledader saja Hariri sa tschentà la saira a Beirut. Là veglia el - tenor atgnas indicaziuns - sa participar a las festivitads per l'independenza libanaisa la mesemna, e s'exprimer davart ses futur politic.

Durant ina visita en l'Arabia Saudita l'entschatta november aveva Hariri annunzià ch'el sa retiria. Quai aveva chaschunà ina crisa politica en la regiun. Per part era vegnì speculà che Hariri saja vegnì tegnì a ferm en l'Arabia Saudita, e ch’el saja vegnì sfurzà da sa retrair.

RR novitads 06:00