Herzog conceda sconfitta

En l'Israel conceda il manader da l'opposiziun Izchak Herzog sia sconfitta tar las elecziuns parlamentaras.

Izchak Herzog conceda la sconfitta avant las medias. Bild in Lightbox öffnen.

Legenda da maletgs: Izchak Herzog conceda la sconfitta e gratulescha a ses concurrent Benjamin Netanjahu. Keystone

Per telefon haja el gratulà al primminister Benjamin Netanjahu , ha ditg Herzog ad ina conferenza da medias. Suenter che 99% da las vuschs èn dumbradas, cuntanscha la partida Likud da Netanjahu 29 enfin 30 dals 120 sezs en il Knesset. Il champ zionistic da Herzog vegn sin 24 sezs.

Furmar ina regenza vegn difficil

Netanjahu stat cunquai avant ina quarta perioda d'uffizi. Sia finamira è ina colliaziun cun ulteriuras partidas da la dretga. Da furmar ina regenza stabila vegn però ad esser difficil.

RR novitads 09:00