Siglir tar il cuntegn

Header

cuntegn

Exteriur Hillary Clinton – anc 92 vuschs enfin nominaziun

Las pre-elecziuns a Kentucky ed Oregon enfirmeschan la favurita democrata Hillary Clinton. Quai era sche tant Hillary Clinton sco Bernie Sanders cuntanschan a Kentucky tuttina bleras vuschs.

Tar las pre-elecziuns a Kentucky per il candidat da la partida democrata per daventar president dals Stadis Unids è la gronda part da las vuschs dumbrada. Hillary Clinton ha in avantatg da 0,4% da las vuschs envers Bernie Sanders. Las vuschs da delegads da Kentucky vegnan Clinton e Sanders probablamain a parter, scrivan pliras agenturas da novitads.

En il stadi dad Oregon èn dumbrads 66% da las vuschs. Da quella dumbraziun resorta cun 53% in lev avantatg per Sanders.

En il total da las pre-elecziuns, ils uscheditgs «primaries», maina Clinton cleramain. Ella vegn cun gronda segirtad sin 2’291 vuschs da delegads. Bernie Sanders fa 1'528 vuschs. Per la nominaziun basegnan ils democrats 2'383 vuschs.

RR novitads 06:00+

Artitgels legids il pli savens